Tahajjud ki namaz allah ko bahut hi zyada pasand hai.
Quran me Allah kahete hain keh “Humare nek bande apni neend qurbaan karke musalle par khade hokar Jahannam ke khauf se aur Jannat ki lalach me allah ko pokaarte hain”.
to allah kahete hain jo apni neend qurban karke allah ke saamne khada hota hai.
uski aankho ki thandak keliye allah ne bahut achchi achchi chize chupakar rakhi hui hai.
sab kuch milega aur bahut hi badiya badiya chize allah usko ataa karenge.
Nabi (Sallallahu Alaihi Wasallam) ne ek sahabi ke baare me farmaya wo aadmi bada hi achcha hai kaash wo tahajjud padh leta.
Aap (Sallallahu Alaihi Wasallam) ne Abdullah ibn Umar ke baare me ek sahabi se farmaya ki yeh tahajjud ka ahtemam kare to kya hi khoob hoga.
Abdullah ibn Umar farmate hain key uske baad se maine kabhi tahajjud nahi chori hai.
Nabi (Sallallahu Alaihi Wasallam) ne farmaya raat ke aakhri hisse me allah ta’ala pahele aasman par aate hain aur ye kahete hain key koi hai mujhse rozi mangne wala main usko rozi do.
koi hai mujhse apne gunaho ki maafi mangne wala main usko maaf karo.
Rasoollullah (Sallallahu Alaihi Wasallam) ne farmaya kya hi khoob hai wo aadmi jo tahajjud ke liye uthe (raat ke aakhri hisse me) aur apni biwi ko bhi uthaye.
agar wo na uthe to uske chahere par paani ke chhinte maar ke use uthaye.
aur farmaya kya hi khoob hai wo aurat jo tahajjud ke liye uthe (raat ke aakhri hisse me) aur apne shaohar ko bhi uthaye.
agar wo na uthe to uske chahere par paani ke chhinte maar ke use uthaye.
to isliye raat ko jaldi sona chahiye aur raat ko zaldi uthkar tahajjud padhni chahiye.
waise to tahajjud raat ko kisi bhi waqt padhi ja sakti hai.
lekin raat ka aakhri hissa jo tahajjud ke liye sabse afzal time hai usme padhni chahiye.
ye afzal waqt fajr se pahele hota hai jise hum ramzan ke mahine me saheri ka waqt kahete hain.
bahut zyada afzal time me dua qabool hoti hai.
aur namaz ka bahut sawab milta hai.
tahajjud me kam se kam 2 rakat aur zyada se zyada kitni bhi padhi ja sakti hai.
Nabi (Sallallahu Alaihi Wasallam) ka mamool 8 rakat ka tha.
Nabi (Sallallahu Alaihi Wasallam) ne kabhi 8 se zyada bhi padhi hai aur kabhi kam bhi.
aapko bhi chahiye ke 8 rakat padhe.
lekin agar aap 8 se kam ya zyada bhi padhle to koi harz nahi hai.
aur afzal ye hai ki aapko 2 2 rakat karke padhni hai.
aap 4 4 rakat karke bhi padh sakte hain.
hadeesh me tahajjud ka bahut hi ahtemam hai.
bahut saari hadeesh aur bahut saari rewayaat me tahajjud ki ahmiyat aur fazilat batai gai hai.
isliye Ulma kahete hain ke tahajjud ka ahtemam karna hi chahiye.